Грашова-рэчавы комплекс, які складаецца са срэбных манет, грыўняў і ювелірных вырабаў

Нумізматыка

грашовыя комплексы

срэбра, латунь, медзь

чаканка, ліццё

экспазіцыя па гісторыі грашовага абарачэння на тэрыторыі Беларусі

Вялікае Княства Літоўскае

чацвёртая чвэрць XIV ст.

Грашова-рэчавы комплекс чацвёртай чвэрці XIV ст. быў знойдзены каля в. Чаравачыцы Кобрынскага раёна Брэсцскай вобл. на адлегласці 100 метраў ад скрыжавання старой дарогі з ракой Мухавец. Прадметы комплексу знаходзіліся  на невялікай частцы поля на глыбіні 10-15 см. Дэпазіт складаецца з ювелірных упрыгожанняў, срэбраных зліткаў і срэбраных манет. Грашовая частка: прысутнічаюць два срэбраных злітка: татарскі лодкападобны злітак (сом) вагай 200,2 г, 986-й пробы, мясцовы варыянт злітка наўгародскага тыпу (рубль) вагай 188 г, 996-й пробы. манеты: 65 пражскіх грошаў Яна I Люксембургскага (1311-1327) і Карла I (1346-1378). Рэчавая частка: залатое вісочнае кальцо валынскага тыпу, срэбны пярсцёнак віты яцвяжскага тыпу,  срэбны пярсцёнак з зерню, латунны пярсцёнак з устаўкай, медны нацельны чатырохканцовы крыжык з вушкам і эмаллю, срэбная пазалочаная падвеска з вушкам. Такія комплексы з'ўляюцца вельмі рэдкай знаходкай на нашай тэрыторыі. А татарскі лодкападобны злітак (сом) - адзіная зарэгістраваная знаходка ў Беларусі.
Падрабязней пра комплекс: Платежные слитки-гривны в денежном обращении ВКЛ