Грашова-рэчавы комплекс, які складаецца з фрагментаў ювелірных вырабаў, манет Арабскага халіфата і Візантыі

Нумізматыка

грашовыя комплексы

срэбра

чаканка

экспазіцыя па гісторыі грашовага абарачэння на тэрыторыі Беларусі

Тураўскае княства

IX–XI стст.

Грашова-рэчавы комплекс XI ст. быў знойдзены каля ракі Піны (г. Пінск). У яго склад уваходзяць фрагменты срэбных ювелірных вырабаў, цэлыя і фрагментаваныя срэбныя дзірхамы Арабскага халіфата, срэбныя аладкападобныя манетавідныя зліткі і залатая візантыйская манета. Акрамя манет і рэчавай часткі ў дадзеным комплексе знаходзіліся рэшткі спарахнелай тканіны, якія ў далейшым рассыпаліся. Манетная частка ўключае ў сябе: 55 дзірхамаў Абасідаў, 1 малы фрагмент паўдрахмы намеснікаў халіфаў Абасідаў у Табарыстане другой паловы VIII ст., 182 дзірхама Саманідаў, 4 дзірхама Бувейхідаў, 14 манет - перайманняў дзірхамаў, 1 дэнарый Германіі, залаты іперпер Аляксея I Камніна (1081-1118) і маленькія фрагменты дзірхамаў, якія немагчыма вызначыць. Упакоўкай для комплексу служыў гліняны гаршчок. Дэпазіт быў даследаваны В.Н. Рабцэвічам у 2002 г.