Медыяматэрыялы

Памятныя манеты з'яўляюцца адным з важнейшых кампанентаў паўнавартаснай нацыянальнай сістэмы грашовага абарачэння, а таксама сімвалам дзяржаўнасці. Выпускаючы памятныя манеты ў абарачэнне, Нацыянальны банк Рэспублікі Беларусь мае на мэце папулярызацыю культурнай і гістарычнай спадчыны беларускага народа, яго дасягненняў, прызнанне выдатных асоб, лёс якіх звязаны з нашай Радзімай, а таксама адлюстраванне найважнейшых падзей у жыцці краіны.

Стварэнне плацежных сродкаў у Нацыянальным банку – гэта вялікая і адказная работа, у якой задзейнічаны супрацоўнікі розных спецыяльнасцей. А пачынаецца ўсё з задумкі мастака, якая прафесійна ўвасоблена ў эскізны праект. У альбоме прадстаўлены праекты грашовых знакаў – тых, што былі выпушчаны ў абарачэнне, і тых, што засталіся толькі ў запасніках музейнага фонду. Тым не менш гэта частка гістарычнай спадчыны нашай краіны – Рэспублікі Беларусь.